တိုင်းရင်းသားလက်နက်ကိုင်များအပေါ် ညှာတာရန် တပ်မတော်အား နိုင်ငံတော်အတိုင်ပင်ခံမှ မေတ္တာရပ်ခံ

လက်ရှိကာလသည် ပင်လုံညီလာခံကို အကောင်အထည်ဖော်နေသည့်အချိန်ဖြစ်နေသဖြင့် တိုင်းရင်းသားလက်နက်ကိုင်များနှင့် ငြိမ်းချမ်းရေးလက်မှတ်ရေးထိုးဖို့ လုပ်ဆောင်နေခြင်းကြောင့် စစ်ပွဲများ တက်နိုင်သမျှနည်းပါးအောင်လုပ်ဆောင်ရန် နိုင်ငံတော်အတိုင်ပင်ခံမှ တပ်မတော်ကာကွယ်ဦးစီးချုပ်ထံ မေတ္တာရပ်ခံထားကြောင်း ကြားသိရသည်။

 

ယနေ့မနက် မြောက်ပိုင်းမဟာမိတ်အဖွဲ့မှ ပြင်ဦးလွင်မြို့ရှိ တပ်မတော်နည်းပညာတက္ကသိုလ်နှင့် နောင်ချိုမူးယစ်ဆေးဝါးစစ်ဆေးရေးဂိတ်အား အင်အားအလုံးအရင်းနှင့် ၀င်ရောက်တိုက်ခိုက်မှုဖြစ်စဉ်များကြောင့် အပြစ်မဲ့ပြည်သူများသေဆုံးခဲ့မှုရှိခဲ့ပြီး ဂုတ်တွင်းတံတားအား မိုင်းထောင်ဖျက်ဆီးခဲ့မှုကြောင့် ဒေသခံများ အထိတ်တလန့်ဖြစ်ပေါ်နေကြောင်းသိရသည်။

 

နိုင်ငံတော်အတိုင်ပင်ခံမှ တပ်မတော်ကာကွယ်ရေးဦးစီးချုပ်အား ယခုကဲ့သို့ဖြစ်စဉ်မျိုးတွင် နှစ်ဖက်စလုံးမှာတာဝန်ရှိနေသဖြင့် ပင်လုံညီလာခံအားအသက်သွင်းပြီး ငြိမ်းချမ်းရေးဖော်ဆောင်သွားရမည့် ကာလမျိုးမှာ တိုင်းရင်းသားလက်နက်ကိုင်များအပေါ် ညှင်သာစွာဆက်ဆံသွားရန်နှင့် အထိအခိုက်အပျက်အစီး အနည်းဆုံးနည်းလမ်းဖြင့် ဖြေရှင်းသွားရန် မေတ္တာရပ်ခံထားကြောင်း တပ်နှင့်နီးစပ်သည့်အသိုင်းအ၀န်းမှ ပြောဆိုနေမှုများအပေါ်ကြားသိရသည်။

Source – E.T.S TIME မြန်မာ

Medialann is your news, entertainment, music fashion website. We provide you with the latest breaking news and videos straight from the entertainment industry.