အသက္ (၄)ႏွစ္အရြယ္ မိန္းကေလးငယ္အား အသက္(၁၁)ႏွစ္ေက်ာ္ ေယာက္်ားေလးမွ အဓမၼျပဳက်င့္

မေကြးၿမိဳ႕တြင္ အသက္(၄)ႏွစ္ေက်ာ္အရြယ္ မိန္းကေလးကို အဓမၼျပဳက်င့္သည့္ အသက္(၁၁)ႏွစ္ေက်ာ္အရြယ္ ေယာက်္ားေလးအား မေကြးၿမိဳ႕ နယ္ေျမရဲစခန္းတြင္ ၂၀၁၉ ခုႏွစ္၊ ဇူလိုင္လ(၂၀)ရက္ေန႔က အမႈဖြင့္အေရးယူထားေၾကာင္း သိရသည္။

အဆိုပါ မိန္းကေလးကို တစ္ရပ္ကြက္တည္းေန ေယာက်္ားေလးက ဇူလုိင္လ (၁၈)ရက္ေန႔ ေန႔လယ္ (၁)နာရီဝန္းက်င္က အဓမၼျပဳက်င့္ေနသည္ကို မိန္းကေလး၏ အစ္ကိုျဖစ္သူမွ ေတြ႔ခဲ့ရၿပီး ရဲစခန္းသို႔ တုိင္ခ်က္ဖြင့္ရန္ မိသားစုတုိင္ပင္ေနသျဖင့္ ဇူလုိင္လ (၂၀)ရက္ေန႔မွ အမႈဖြင့္တုိင္တန္းျဖစ္ျခင္းျဖစ္ေၾကာင္း နယ္ေျမရဲစခန္းမွဴး ရဲအုပ္ေအးေက်ာ္က တာခ်ီလိတ္သတင္းေအဂ်င္စီသို႔ ေျပာသည္။

အဆိုပါ မိန္းကေလးငယ္ကို ခေရပန္းေကာက္ရန္သြားမည္ဟုဆိုကာ လိမ္လည္ေခၚေဆာင္သြားခဲ့ျခင္းျဖစ္ေၾကာင္း သိရသည္။

က်ဴးလြန္သည့္ ေယာက်္ားေလးအား ရဲတပ္ဖြဲ႕က ဖမ္းဆီးစစ္ေဆးခဲ့ၿပီးေနာက္ အသက္(၁၁)ႏွစ္ေက်ာ္သာရိွေသးသည့္ အတြက္ မိဘအုပ္ထိန္းသူထံ ခံဝန္ျဖင့္ အပ္ႏွံ၍ လိုအပ္သည့္စစ္ေဆးမႈမ်ား လုပ္ေဆာင္ေနေၾကာင္း သိရသည္။

အဆိုပါ ျဖစ္စဥ္ႏွင့္ပတ္သက္၍ ဗိုလ္ပု (ေခၚ) ေအာင္ခန္႔ေက်ာ္အား မေကြးနယ္ေျမရဲစခန္းတြင္ (ပ)၅၃၅/၂၀၁၉၊ ရာဇသတ္ႀကီးပုဒ္မ ၃၇၆ ျဖင့္ အမႈဖြင့္ေဆာင္ရြက္ေနေၾကာင္း သိရသည္။

Tachileik News Agency

သတင္း – ဖီးနစ္

==========

Unicode

မကွေးမြို့တွင် အသက်(၄)နှစ်ကျော်အရွယ် မိန်းကလေးကို အဓမ္မပြုကျင့်သည့် အသက်(၁၁)နှစ်ကျော်အရွယ် ယောကျ်ားလေးအား မကွေးမြို့ နယ်မြေရဲစခန်းတွင် ၂၀၁၉ ခုနှစ်၊ ဇူလိုင်လ(၂၀)ရက်နေ့က အမှုဖွင့်အရေးယူထားကြောင်း သိရသည်။

အဆိုပါ မိန်းကလေးကို တစ်ရပ်ကွက်တည်းနေ ယောကျ်ားလေးက ဇူလိုင်လ (၁၈)ရက်နေ့ နေ့လယ် (၁)နာရီဝန်းကျင်က အဓမ္မပြုကျင့်နေသည်ကို မိန်းကလေး၏ အစ်ကိုဖြစ်သူမှ တွေ့ခဲ့ရပြီး ရဲစခန်းသို့ တိုင်ချက်ဖွင့်ရန် မိသားစုတိုင်ပင်နေသဖြင့် ဇူလိုင်လ (၂၀)ရက်နေ့မှ အမှုဖွင့်တိုင်တန်းဖြစ်ခြင်းဖြစ်ကြောင်း နယ်မြေရဲစခန်းမှူး ရဲအုပ်အေးကျော်က တာချီလိတ်သတင်းအေဂျင်စီသို့ ပြောသည်။

အဆိုပါ မိန်းကလေးငယ်ကို ခရေပန်းကောက်ရန်သွားမည်ဟုဆိုကာ လိမ်လည်ခေါ်ဆောင်သွားခဲ့ခြင်းဖြစ်ကြောင်း သိရသည်။

ကျူးလွန်သည့် ယောကျ်ားလေးအား ရဲတပ်ဖွဲ့က ဖမ်းဆီးစစ်ဆေးခဲ့ပြီးနောက် အသက်(၁၁)နှစ်ကျော်သာရှိသေးသည့် အတွက် မိဘအုပ်ထိန်းသူထံ ခံဝန်ဖြင့် အပ်နှံ၍ လိုအပ်သည့်စစ်ဆေးမှုများ လုပ်ဆောင်နေကြောင်း သိရသည်။

အဆိုပါ ဖြစ်စဉ်နှင့်ပတ်သက်၍ ဗိုလ်ပု (ခေါ်) အောင်ခန့်ကျော်အား မကွေးနယ်မြေရဲစခန်းတွင် (ပ)၅၃၅/၂၀၁၉၊ ရာဇသတ်ကြီးပုဒ်မ ၃၇၆ ဖြင့် အမှုဖွင့်ဆောင်ရွက်နေကြောင်း သိရသည်။

Tachileik News Agency

သတင်း – ဖီးနစ်

Medialann is your news, entertainment, music fashion website. We provide you with the latest breaking news and videos straight from the entertainment industry.